اذا فهمت حروفى ضمها اليه

{{ لا فهمت حروف شعري ضمَّها }} الغلا قصه عجيبه تبتدي بضحكه عيون قصة فارسها مشاعر نابضه بأحلى غرام نصّها كلمة[أحبك] ياحبيبي للجنون تنطلق من
وردة المنتدى :: عضو جديد ::


{{ لا فهمت حروف شعري ضمَّها }}


الغلا قصه عجيبه تبتدي بضحكه عيون
قصة فارسها مشاعر نابضه بأحلى غرام

نصّها كلمة[أحبك] ياحبيبي للجنون
تنطلق من قلب عامر بالمحبه والسلام



هذي هي قصة غرامي يوم جيتك ياحنون
مابقى شيء بكياني غير حبِّك بـ احتدام.!


جيت لك تضحك شفاهي بإبتسامات الجفون
جيت لك والقلب غارق في عبارات الكلام


ماتصنّعت المشاعر لاجل أبرهن من أكون




كان همِّي اني آآصل ساحلك يا احلى غرام


أبتسم ساعة أشوفك وأنسى أيام الشجون
و أتخذ لأجلك مساحه في مواعيد الزحام


لاتلاقينا وشفتك [قاسي] الغربه يهون
والفرح يسري بدمِي ويخترق صلب العظام



وإن تفارقنا دقيقه مالت اوراق الغصون
والدقيقه في عيوني شفتها ألفين عــام



الغياب..!!ياهو غيابك صب لي كاس المنون
أشربه ظلم وتجنِّي وأرتويبه بانصدام


الغلا ماهو حكايه تعتبر ضمن الفنون
الغلا عشته بقلبك ياقمر وسط الظلام


لو درا بصادق غرامي[الغدر] حرّم يخون
ولويعيشه كل مذنب إلتزم بعد الحرام



والبلابل لو تحسَّه زادت أنغام اللحون
وبه تغنّت واهتفت به..وغارت اسراب الحمام


والبحر لو قاس حُبّي صارت أمواجه سكون
وقال أنا قطره وجف وأبهر أحلام الانام


حتى قيس اللي تصدّر قايمة أهل الجنون
واللي أهل العشق أخذوا من أساطيره وسام




ماوصل عشقه بليلى مرحلة ضم الحضون
ولاتحّدى في غلاها لذة ..[انفاس]..المنام




وعنتر وعبله غلاهم باهت ماله اي لون
بعد ماشخًّصت قلبي حُبهم فيه انفصام


كل حُبٍ غير حُبي مثل همَّال المزون
يستمر وقت والسحاب وينتهي وقت الغمام


وكل شعرٍه غير شعري مايفي باللي يبون
تكتب حروفه احبك ونيّته بالانتقام


أتحدى ... وأتحدى ... وأتحدى ... من يكون ..!!
إن قلبٍ غير قلبي حُبه صادق بالتمام


وإن كلامي ماعجبهم يفعلون مايشتهون
يمكن لاشافوا ولا عندهم ينشاء اهتمام



الغلا قصه وصارت بيني وبينك[جنون]
حكيتها بشعور قلبي قبل مايبدا الكلام




الغلا واقع أعيشه ..معك مايرضى الظنون
واقع أجمل من خيال ..واقع نبراس الوئام


بطلبك قبل أنتهي كانك لـ إحساسي تصون
إن لحظات التواصل نغتنمها اغتنام


مانبي الايام تمشي والمشاعر يتعبون..!!
والخطاوي الهاويه في سراديب الخصام


والامـــــانه في النهايه ياحكي حُب العيون
لافهمت حروف شعري ضمَّها بعد الختام

admin .::| الإدارة |::.


[gdwl] أتحدى ... وأتحدى ... وأتحدى ... من يكون[/gdwl]=[gdwl] إن قلبٍ غير قلبي حُبه صادق بالتمام[/gdwl]

شكرا اختي على الطرح المميز

وجه القمر :: عضو فعال ::

شـكــ وبارك الله فيك ـــرا لك ... لك مني أجمل تحية .

أدوات الموضوع

Powered by vBulletin® Copyright ©2000 - 2022, Jelsoft Enterprises Ltd.
Content Relevant URLs by vBSEO 3.6.0 PL2 TranZ By Almuhajir