معجبوا منتدى جدايل على الفايسبوك و قوقل+
قديم 2010-04-23, 05:01 PM   #1
:: عضو فعال ::
 
الصورة الرمزية غرام الود
 
تاريخ التسجيل: May 2009
الدولة: السعودية
المشاركات: 14,027
معدل تقييم المستوى: 48
غرام الود will become famous soon enough
اسراري وعنايتي بجسمي بالصور اتركها لكن قبل ان ارحل




مرحبا بنات آمممم بدايتآ من زمان بنزل هالموضوع للفائده وعشان ماتروحي تبحثي وتتعبي
وتستخدمين شي ماينفع وياكثر المدح الي سمعناه بخلطه وسويناها ومانفعت ليش ؟
لأن الي مدحتها تلاقين مالها بالخلطات وجربت ذي اول وحده وشافت شوي نضاره وطيران ع المنتدى وتقطعها مدح وهي
ماعندها ماعند جدتي الموهم بما اني بترك المنتدى قلت انزل هالموضوع وذا قليل بحق مجلتي فديتها
و خليني اقولكم انا موجديده بهالعالم اقصد
عندي خلفيه لابأس فيها ومارح اقول إلا شي جربته او خواتي جربوه عشان الأمانه
ببدأ من اول
الفييييس
والله يابنات عن تجربه مافي احلا من منتجات اولاي للبشره خصوصآ مقشراتهم روعه وميزتها
ماتلاقينها بالشركات الثانيه الي هي تشد البشره وتزيل الخطوط الدقيقه او الخطوط التعبيريه فوريآ
وكمان في حركه دايم اسويها طفشت من المقشرات والغسولات واحد يجفف بشرتي والثاني يطلعلي بثور
لأن بشرتي مختلطه الموهم جيبي طرحه قديمه عندك تكون قماشتها حرير او كريب
يعني موخشنه ولا ناعمه وبلطف افركي وجهك فيها بدون ضغط وبشكل دائري وشوفي كيف الجلد الميت بينزل
حتى لو توك مسويه تقشير والله والله مافي احلا من هالطريقه واراهنكم بعد خخخخ
وبعد ماتشوفي خلاص ماينزل شي خذي قطره اوقطرتين من زيت جنين القمح ولاتكثري وطبطبي على وجهك
والله بتدعينلي لما تشوفي كيف النعومه والطراوه كأنك بشرة بيبي

الجسسسسم آآممممم اعرف وايد اشيا تجنن بس بقولك عن الي تأثيرها سريع وحلو
للتفتيح وتوحيد الجسم اكيد كلكم تعرفونها بس مافي زيها تجنن
قبل ابدأ بنات في فرق بين صابون الغار والبطيخ والأحلا صابون البطيخ الي يجي مكعب ونسميه صابون السوريين لأن الغار فشلت مع اختي صارت الخلطه لزجه وماتختلط بس اذا ماعندك مو مشكله
يلا نبدأ
مكعب صابون بطيخ منقوع ب كوب ماي ورد من الليل
علبه جليسوليد __ علبة فكس __2 ملعقة كركم جسم __ ماي ورد لتحسين قوامها
فنجان من كل من : جلسرين سائل __ زيت خروع __ زيت زيتون __زيت لوز مر

وتحفظ بالثلاجه وقبل تتحممين بساعتين حطيها على كل جسمك ورقبتك
والبسي بعدها بدلة الساونا وهذي تآخذيها من محلات الرياضه ومو غاليه ب20 و50
وميزتها تخلي بشرتك بسرعه تستجيب للخلطة
والصنفره
اطحني عدس ورز بكميات متساويه وحطيها بعلبه ماتدخل لها الرطوبه وخليها بالحمام وكل ماتحممتي
خذي كميه تكفيك واخلطيها مع ملعقه كركم وشوي جلسرين سائل او زبادي اي شي تحبينه
المرطب هذا نصيحة لاتدورين غيره نتيجته تجنن

جلسرين سائل __ وزيت لوز مر بنسب متساويه وشوي جنين القمح
ودبلهم ماي ورد وحطيها بعلبة بخاخ نفس حقة جونسون او علبة الكحول احلا
طبعآ علبه بخاخ عشان يسهل توزيعها ولاتنسي ترجيها قبل اي استخدام

ولتوحيد لون الجسم زيت لوز مر و جوزه الطيب وهذي مفعولها 13 يوم ويتوحد جسمك
ولمنطقه الصدر وبينهم
2ملعقة جلسرين
2ملعقة زيت لوز مر
8ملاعق بودرة ورد >> مع اني احسها وايد بس على كيفك
وبعد الإستحمام نفرك المنطقة بفوطه مبلوله ورشي عليها شوي حليب بودرة
وبعدها حطي من الخلطه مع تدليك خفيف يابنات لأن المنطقه رقيقه وبعد ربع ساعه غسلي عادي
وبالنسبه لأي شي قلته وماعجبتكم ريحته انا بصراحه مهووسة بخور خخخخ يعني بعد ما اطلع الحمام لازم اتبخر قبل ينشف
جسمي عشان تمسك الريحه واتعطر عشان كذا ما احس بأي ريحه

والأقدام والله يابنات الي تبي اقدامها زي البيبي تسوي طريقتي مارح تندم
اذا عندك تشققات سوي هالخلطه ومعليش انا ما اسويها بمقادير بس بتضبط بكل حالاتها خخخخ
شويه زيت جلسرين_ ولوز _ وزيت زيتون _ فكس _ فازلين _
عصير ليمونه _ وبرتقاله _ عسل _ كحول ايزوبروبيل لو ماعنك عادي _معجون اسنان وهذا اهم شي
طبعآ تستمرين عليها يوميآ او متى مافضيتي حطيها والله اسبوعين بالكثير تكون اختفت
وبعدها انتظمي على
لوشن جليسوليد مش كريم _وزيت جنين القمح مو حق الأكل لا الدهان لأن حق الأكل ريحته ريحه ewwwwخخخخ
وهذا لو بمدح فيه ماخلصت وتراه ابتكاري احم احم
وحتى ليديك وربي يخلي لمسه يدك مخمليه نفس مفعول كريم اللمسه المشهورات من سيد جنيد والماركات
حتى لو غسلتيه بتستمتعين باللمسه المخمليه ويفتحها مع الإستمرار ورجولك من تحت تصير تلمع ورويانه
تحسيها متغذيه صح ومافيها خشونه ابدآ قطعه وحده يعني بالعربي مثل البيبي بشرط تلبسي شراب يعني حطي منه ومباشره البسي شراب
بس للأمانه انا رجلي ماتلمس الأرض ابدآ يعني عودت نفسي البس شراب السيراميك
مو الشراب الرقيق لا الي يجي من تحت طبقه قطن او اسفنج وهذا سبب النعومه
واللوشن نقصي من كميته ربع او اقل وحطي زيت جنين القمح وهذي صورته

اسراري وعنايتي بجسمي بالصور اتركها لكن قبل ارحل
ولاتنسو البديكير اهم شي مره كل اسبوعين نفسي اكتب طريقتي مافي زيها بس تعبت من الكتابه بشوف بكرا يمكن اكمل
لكن ربي يشهد علي اني نسيت شي اسمه تشققات من اكثر من سنه(ماشالله ) ماعرفها وحتى البديكير ماصرت احتاجه نفس اول
إلا عاد اذا اشتهيت ادلع عمري خخخخخ

وبالنسبه للركب يابنات كلنا جربنا انواع الصنفرات الي مالها داعي والي خشنه تجرح
وانا طحت على شي والله روعه قليله فيه وما انصح بغيره ابدآ
الي هو هذا
اسراري وعنايتي بجسمي بالصور اتركها لكن قبل ارحل
هو اساس حق وجه بس لاتجربيه ابدآ على وجهك مايناسب جدآ خشن
ويجي ثلاث قطع ب25 ريال ولو تبي واحد اقتصادي ويطول معك خذي حق السيقان مع اني ما انصح فيه خشن مره
بس يابنات اهم شي خفي يدك ولاتضغطين والله بتشوفين النتيجه فوريه وامانه لاتنسون تدعونلي لماتنبهرون خخخ
ونصيحه للي ركبها منعدمه لايحبطونك ويقولو الكورس 3 اشهر ومادري ايش والله يابنات الركب معروفه بسرعه تنعدم وتتعدل بأسرع اذا اتبعنا كم نقطه
واولها التقشير قبل اي شي قشريها لأن لو تحطي كريمات وزيوت بدون تقشير ماتفيد فوق طبقات الجلد الميت
وهذي النقطه لكل الجسم وبعدها التفتيح ثم ترطيب واهم شي ماتبقى جافه ابدآ
غير كذا اذا حطيتي اي خلطه تفتيح غطيها برول التغليف حق الأكل الشفاف
والبسي ليق وارمر انا اسميه شراب البوت خخخخ لأن البسه فوق البوت او السبورت واصله حق دفا
واحنا نلبسه كشخه ههههه وهذي صورته
اسراري وعنايتي بجسمي بالصور اتركها لكن قبل ارحلاسراري وعنايتي بجسمي بالصور اتركها لكن قبل ارحلاسراري وعنايتي بجسمي بالصور اتركها لكن قبل ارحل



وعن تجربه خليه طول اليوم عليك لو بدون كريم اهم شي ترطيب لأن بيحمي ركبتك من الإحتكاك وهذا برضو سبب بالتنعيم
ولاتجي وحده تقولي في اختراع اسمه سولكر للركب انا جربته وفاشل لأن البلاستك الي داخل
خشنه ع الركبه وتسبب احتكاك وغير كذا حجمه مايغطي الركبه او يغطي بس مع الحركه يرتفع وتطلع اهم منطقه تحتاج عنايه عشان كذا الليق وارمر احلا واريح وغير كذا متوفر عندنا ومانحتاجه بما ان الشتاء خلص نستفيد منه لركبنا
وهذي خلاصة تجاربي وامانه الي تدخل مو لازم ترد بس ترفع الموضوع ابي كل البنات يستفيدون
ونصائحي بعدي عن الصابون المعطر إلا بالمناسبات والله مافيه إلا السمار والمشاكل الخاصه عن تجربه واستبدلي مستحضرات الإستحمام بأشيا تفيدك ع المدى الطويل
وماتتعبين على جسمك مثلآ الصابون المغربي اخلطي معاه ملعقه كركم بتكون نتيجته روعه
والمرطب خليه طبيعي احلا والصنفره نفس الشي
لأن بجد انا من الي جربت وايد شغلات ومافادتني بس خسرتني ع الفاضي
وشاكره لكن




المصدر : منتدى جدايل - من قسم العنايه بالبشره



  آخر موآضيع » غرام الود
  رد مع اقتباس
قديم 2018-11-15, 11:08 PM   #4
:: عضو فعال ::
 
تاريخ التسجيل: Jun 2013
المشاركات: 299
معدل تقييم المستوى: 12
اتار will become famous soon enough
افتراضي رد: اسراري وعنايتي بجسمي بالصور اتركها لكن قبل ان ارحل

  رد مع اقتباس

الكلمات الدلالية (Tags)
أسرار, العناية بالجسم, تجربتي الخاصة

مواضيع جديدة في العنايه بالبشره

اسراري وعنايتي بجسمي بالصور اتركها لكن قبل ان ارحل

« قناع روعة بالصبار وزيت السمسم للتخلص من بقع واسمرار الوجه قناع الزبدة لترطيب وتنعيم البشرة والتخلص من البقع الداكنة »


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع


قد تهمك ايضا المواضيع التالية
ضاقت بنا الدنيا بما رحبت فارحمنا يا ارحم الراحمين
حبيبي ارحل وخذ قلبي معاك
اغرب الصور لارجل الانسان في افريقيا - ارجل مثل ارجل النعام لقبائل افريقيه
كيف تحصلي على خصل ملتفة وناعمة؟
كيف تحصلي على أظافر طويلة بسرعة؟


. الساعة الآن 10:06 PM.


Powered by vBulletin® Version 3.8.7
Copyright ©2000 - 2018, Jelsoft Enterprises Ltd.
Content Relevant URLs by vBSEO 3.6.0 PL2
المشاركات المنشورة في منتدى جدايل لاتُعبر بالضرورة عن رأي جدايل ويتحمل صاحب المشاركه كامل المسؤوليه عن اي مخالفه او انتهاك لحقوق الغير