بطاطس مقلية بالخلطة السرية .... روووعة
---------------------------------
بسم الله الرحمن الرحيم
السلام عليكم ورحمة الله وبركاته
حيا الله البنوتات الحلوات ...
معي لكن اليوم طريقة حلوة بالحيل لقلي البطاطس ...
اختراع منزلي
أتمنى هالطريقة تعجبكن ...
بس بشرط تأكلونها وهي حارة ...
لأنها إذا بردت يتغير طعمها ...
المقادير ...
- بطاطس ..
- 3 ملاعق حليب بودرة ..
- 3 ملاعق دقيق أبيض ..
- نصف ملعقة صغيرة فلفل أسود ..
- نصف ملعقة صغيرة بهارات ..
- نصف ملعقة صغيرة ثوم بودرة ..
- ملح حسب الرغبة ..
- زيت للقلي ..
الطريقة ...
- نقشر البطاطس ونقطع حبة البطاطس لنصفين بالطول ... ثم نقطع كل نصف لشرائح
سميكة شوي ... اعرض من بطاطس القلي ...
- نسلق البطاطس في ماء وملح بس بشرط لا يذوب البطاطس .. يعني يكون نصف استواء ..
- نصفي البطاطس من الموية ..
- نخلط المقادير الجافة سوا ( الحليب + الدقيق + الملح + الثوم + البهارات + الفلفل الأسود ) ..
- نغمس حبات البطاطس في الخلطة الجافة مع كل الجهات ثم نقليها في الزيت لين تتحمر ...
وعلى طوووول كلوها ... لا تخلونها تبرد ...
وعليكم بألف ألف صحة وعافية ...
جربوها وادعوا لي
الله يحفظكم
