حلى كيوت بالشرائط شكل راقي وطعم لايقاوم يم ي م
مرحبا .. حبيت اليوم اعلمكم طريقة كرات الكيك المغلفه بالشوكلاه ..او الترافيل ،، الخطوات بسيطه وسهله ..بس الفن في طريقة تغليف الكيك بالشوكلت ،، هذي
حبيت اليوم اعلمكم طريقة كرات الكيك المغلفه بالشوكلاه ..او الترافيل ،،
الخطوات بسيطه وسهله ..بس الفن في طريقة تغليف الكيك بالشوكلت ،،
هذي المرحله انا اعتبرها مش سهله كبدايه ..
انا لما كنت اسويها قبل سنتين ماكانت تضبط معاي مثل الحين ،،
و الحين عرفت السبب ،،وبشرح لكم بالتفصيل
(احب انوه ان اللي فالصور نص المقادير المكتوبه )
الاغراض اللي بتحتاجينها :
1- علبه وحده كيك جاهز اي نكهه شوكليت او فراوله او فانيلا اللي يعجبج ..
2- كريمة الجبن او الكريمه اللي تنباع جنب الكيك العلب(انا افضل شغل البيت )
3- 400ج شوكلت خاص بالطبخ (نوعيه جيده )
4- اعواد المصاص او اعواد الباربيكيو ( الاستغناء عن العود)
5- سباركلز للزينه
مقادير كريمة الجبن:
50 غرام زبده ( مايعادل نص اصبع واحد فقط) بدرجة حرارة الغرفه
نص كوب جبن فيلادلفيا او كيري (7 حبات ) بدرجة حرارة الغرفه
كوبين سكر ناعم
ملعقه صغيره فانيلا
الطريقه:
اخبزي الكيك بنفس الطريقه الموضحه عالعلبه ..
في اثناء ماتكون الكيكه فالفرن حضري الكريمه
( بخفق الزبده والجبن والفانيلآ واخر شي السكر الباودر بالتدريج )------ اتركي الكريمه على جنب ( اسمحولي ماصورت هالخطوه)
وبعد ماتبرد الكيكه فتتيها باليد او بمكينة الفود بروسسر ( انا افتتها بيدي لأن المكينه تخليها معجنه وايد)
بالتدريج ضيفي الكريمه على الكيك وحركي بالشوكه (--- بالتدريج----) انا احتجت ثلاث ارباع الكميه او اقل ..اعجني باليد علي خفيف لين ماتتشكل عندج مثل العجينه وتقدرين تشكلين منها كور متماسكه نوعآ ما ..مرات احتاج ابرد العجينه ..فأخليها نص ساعه فالثلاجه !
كوري العجينه كور بالحجم الوسط ( تقريبآ اصغر من كرة تنس الطاوله) بتكفي العجينه تقريبآ ل 50 حبه ..
ثبتي عليهم العيدان ..( تقدرين تستغنين عن العود ووقت التغميس ترفعين كل كوره بالشوكه )
حطيهم في صينيه فيها ورق زبده ..وخليهم فالفريزر 20 دقيقه تقريبآ
طلعي الصينيه من الفريزر
ذوبي الشوكلت المكسر ( ابيض او بني ) في المايكروييف لمدة 50 ثانية على قوه متوسطه
غمسي كل حبه بالشوكلت ..طبطبي على طرف الطاسة او الصحن لحد ماينزل الزايد من الشوكلت ( اهم شي مايكون الكيك مثللج او باااارد وايد زياده عن اللزوم ) ولو نسيتيه فالفريزر طلعيه وقت التغميس وانتظري لحد ماتكون برودته معتدله ... هاي سر من اسرار التغليف الجيد..واذا جمد الشوكلت معاك وانتي تغمسين حطي نقطة زيت عادي للشوكلت وبيرجع طبيعي ،،تحملي تضيفين ماااي خطأ كبير وبيخترب عندك الشوكلت ،،، هاي سر ثاني
رجعي حطي الحبه المغلفه في ورق زبده ورشي السباركلز من فوق قبل لا ينشف الشوكلت
انا لفيت على كل حبه بشريطه ،،يطلع شكلها كيوووت ..
سويت نوعين ..نوع بالشوكلت من داخل
ونوع بالفانيلا من داخل
صراحه انا مااقاوم الكيك شوكلت ولا حتى عيالي
هالمره بس قلت اغير شي واسوي شكل ثاني اللي هو الفانيلا
ها وش رايكم شوكولاتة كيوت صح
بالعافية
| أدوات الموضوع | |
Content Relevant URLs by vBSEO 3.6.0 PL2 TranZ By Almuhajir