طريقة استشوار الشعر بالبيت

طريقه الاستشوار الصحيحة قبل لا أقول الطريقة لازم نحط في اعتبارنا إن أنواع الشعر تختلف من بنت لبنت فمثلا اللي شعرها دهني مو زي اللي
غرام الود :: عضو فعال ::

طريقه الاستشوار الصحيحة
قبل لا أقول الطريقة لازم نحط في اعتبارنا إن أنواع الشعر تختلف من بنت لبنت فمثلا اللي شعرها دهني مو زي اللي شعرها جاف وخشن
ولا ننسى إن نوع الاستشوار له دور كمان
نتكلم أولا عن أنواع الاستشوارات بصفه عامه
....في استشوار زي استشوارات الكوافير اللي يكون بس هواء وفرشه الاستشوار تمسكينها بيدك الثانية يعني لازم تشتغلين بيدينك الثنتين (هذا النوع المفضل بالنسبة لي(
هذا الاستشوار يبغى له يد متمرسة عشان تقدر تتحكم بالشعر وهي تستشور ومو كل شوي توقف الاستشوار وتبدأ تاخذ خصلة ثانيه يعني اذا كنتي تستشورين لنفسك الله يعينك الا اذا كنتي زي ماقلت لك تكوني متمرسه جدا >>
.....النوع الثاني هو الاستشوار اللي تكون مركبه عليه فرشته وهذا اسهل طبعا علشان تستشورين بيد وباليد الثانية تتحكمين بخصل شعرك أثناء الاستشوار
.....النوع الثاني هذا اسهل في التحكم كثيييير من النوع الاول (طبعا يكون معاه أنواع كثيره من الفرش لكن أهم فرشه اللي يكون لها شعر خشن شوي مو أسنان بلاستيك او غيره عشان هي اللي تملس الشعره وتنعمها لك تمام )



......... بتكلم دحين عن انواع الشعر والا ستشوار
اللي شعرها دهني مره.... ماتحتاج انها تنعم شعرها بالاستشوار بس تحتاج انها تنشفه اذا كان مبلل بهوا الاستشوار بس او اذا فيه طعجه بسيطه تمرر عليه الاستشوار شوي وتنتهي المسأله (ياحظها ... )طريقة استشوار الشعر بالبيت ولا يحتاج انها تحط عليه كريمات تملس شعرها فيه طبعا وانصحها انها تخلي شعرها يجف من نفسه علشان الاستشوار مايضر شعرها



..........اللي شعرها عادي او خشن او كله طعوس عفوا كله طعجات (يعني بأختصار تحتاج الاستشوار لتمليسه )
اول شي لازم شعرها يكون مبلل كله وبعدين تبدا تقسم الشعر أربعة أقسام متساوية اثنان من الأمام واثنان من الخلف
طريقة استشوار الشعر بالبيت
بعدين كل قسم تبدأي تاخذي منه خصلات وتبدا من اسفل الشعر الى مقدمه الشعر وطبعا الخصلات المقسمه تختلف على حسب غزاره الشعر ودرجه نعومته فمثلا اللي شعرها غزيير ومطعج مره تكون تقسيماتها اصغر من اللي شعرها خفيف وناعم شوي ...
.....بعدين تمسك اول خصلة من تحت والباقي كله تكون رافعته بشباصه علشان مايختلط الجزء المستشور مع الجزء اللي ماستشور ويكون طبعا مبلل شوي مو مره يعني مندي وتحط عليه جل يحمي من الاستشوار ويسهل استشواره بسرعه وبنفس الوقت يحمي الشعر من الاستشوار وممكن تحطين البلسم بدل هذا الجل) انا بصراحه مجربه البلسم روعه( ولا تكثرين بس شوووووي امسحي على الشعر علشان مايصير شعرك شكله مزيت وبعدها ابدئي استشوري وانتي ماسكه شعرك بزاويه عموديه مع فروه الشعر عشان يصير كله املس مو الشعر املس وجذوره مطعجه وابدئي عيدي عليه كم مره بالاستشوار
طريقة استشوار الشعر بالبيت
لما تحسين انه نعم وصار املس خلاص واذا حسيتي انه يحتاج جل حطي شويه ...وسوي نفس الطريقه مع كل الخصل لما تخلصين طبعا مثل ماقلت لكم من ورا من اسفل الشعر لما مقدمه الشعر ...



ولتجفيف أطراف الشعر امسكي الشعر للأمام حول رقبتك وخلي الفرشة قريبه من الأطراف ثم سلطي هواء الاستشوار على الأطراف


طريقة استشوار الشعر بالبيت






لكن في ملاحظه بسيطة على مقدمه الشعر وهي
.......إذا جيتي تستشورينها لا تخلين الشعر بزاوية عموديه لان بعد ماتخلصين راح يكون شعرك اوكي لكن فيه بعض الشعرات الصغيرة تصير موقفه كأنها انتل تلفزيون ومنظرها بايخ علشان كذا استشوري مقدمه شعرك بأتجاه تسريحه شعرك مثلا اذا بتحطين شعرك على جنب سشوري بنفس الاتجاه واذا كل شعرك على ورا استشوري خصلة مقدمه الشعر على ورا علشان الاناتل دي ماتطلع لك وتبين .......
.......طولت عليكم بالشرح لكن حبيت أعطيكم كل شي بالتفصيل من خبرتي المتواضعة
)احم احم ( علشان يكون استشواركم حلوووووووو
طريقة استشوار الشعر بالبيت

أدوات الموضوع

Powered by vBulletin® Copyright ©2000 - 2020, Jelsoft Enterprises Ltd.
Content Relevant URLs by vBSEO 3.6.0 PL2 TranZ By Almuhajir
جميع الحقوق محفوظة منتدى جدايل
iTraidnt by ROMYO
جميع الحقوق محفوظة منتدى جدايل
iTraidnt by ROMYO