معجبوا منتدى جدايل على الفايسبوك و قوقل+
قديم 2010-10-31, 09:36 PM   #1
:: عضو فعال ::
 
الصورة الرمزية غرام الود
 
تاريخ التسجيل: May 2009
الدولة: السعودية
المشاركات: 14,026
معدل تقييم المستوى: 49
غرام الود will become famous soon enough
كيف تكوني زوجه مفتريه



كيف تكوني زوجه مفتريه


كيف تصبحين زوجة مفترية؟

فى بعض النصائح اللى شوفتها بالمنتديات ع ن الزوجة المثاليه فأخدتها وحبيت اضيف ليها لمسات من الواقع فكتبت عن كل نصيحة تعليق راجية ان ترسم البسمة على وجوهكم و نرى بعض تعليقاتكم على واقع الزوجات و الأزواج فى الوقت الحاضر .....


إقتباس
استقبلي زوجك المتعب العائد من عمله بطلاقة وجه وتعبيراً حسناً وياحبذا لو أضفت إلى ذلك منظراً محببا إلى الزوج







يجى الزوج البيت و طبعا تكون الست طالعان عينها فى شغل الشقة والعيال جننوها وطلعوا عين اللى خلفوها ...فأول ما تشوف جوزها بقى تقوله ايه :

يووووة هو انت جييييييييييت , ما بدرى ياخويا هو انت لحقت ؟؟؟ و تديله التكشيرة التمام طبعا ما ربطة الايشارب الاوريجينال بتاعه بياعين القوطة دى و الجلابيه اللى عليها بقع الطبيخ مع ريحة البصل مش عايزة اقولكم بقى


إقتباس
الإهتمام بتحضير طعام الغداء ليكون جاهزاً فور حضور الزوج من عمله بحيث لايجد نفسه مضطراً للانتظار الذي يشعره بالضجر والتبرم.


(3
تيجى بقى الست تحضر الاكل طبعا عقبال ما تسخن الاكل و تعمل سلطة ولا حاجة هتاخد وقت و طبعا الرجالة مفاجيع بيبقوا جايين عايزين ياكلوا فى ساعتها كأنهم بيدعكوا مصباح علاء الدين يطلعلهم الاكل فى لحظتها , تلاقى الراجل بقى بيشخط وينطر تقوم ترد عليه حرمه قائلة فى تبرم مماثل:

لا هو انت كمان مش عاجبك ؟؟ مش كفاية طالعان عينى فى الشقة طول النهار و العيال جننونى كمان مش صابر اسخن الاكل طيب اهوووووو اهوووووووو و الطبق فى وشه عدل ....
)



إقتباس
لا تبالغي في شكواك من الأوجاع والآلام والأعراض شرحاً مفصلاً..إلا في حال الضرورة.


(4)

ماهى المشكلة ان كل يوم هو ضرورة للست , لما تصدق تلاقى حد يسمعها و تنزل رغى فى ودان اللى جابته لغاية ما تخليه يكره الدنيا و اللى عيشينها



إقتباس
لا تكثري من زيارات الأهل والصديقات والجيران وإقامة السهرات العائلية ، فليس من واجب الزوج تحمل كل هذا ومن حقه أن ينعم بحياة عائلية هادئة ومتزنة.



هى و ذمتها بقى , بس الغالب الراجل من دول يرجع البيت يلاقى فى كومة جزم و شباشب عالباب البيت و يلاقى عيل صغير بيفتحله الباب هو اساسا لا يعرفه ولا عمره شافه و يجى يدخل البيت يحس ان فى استعمار مفاجئ و هنا بقى تستقبله زوجته ببسمه ووجه بشوش و تقوله تعالى سلم على اهلى يا حبيبى ....



إقتباس
لاتعتبري أصدقاء زوجك وأهله وأقاربه ضيوفاً ثقلاء فلا تتنصلي من استقبالهم والقيام بواجب الخدمة تجاههم ولا تجعلي زوجك يشعر بتبرمك من ضيوفه.



الست من دول تبتسم فى وش الضيوف و مية مية تعالى بقى شوفها اول ماتدخل المطبخ وجوزها يجى وراها تلاقيها بتبرق و بتهمس كأنها بتتخانق مع دبدان وشها " انت عارف لو مامشيوش دلوقتى هخلى نهار اللى جابوك مش فايت " و تدى بقى فى الكلام و اول ما تطلع من المطبخ البسمة تترسم تانى و لا كأن فى حاجة حصلت ملاااااااااااااااااااك
(6)


إقتباس
لا تتحدثي عن مشاكلك الزوجية مع جاراتك وصديقاتك والأماكن العامة واحذري من إفشاء مكنونات الحياة الزوجية وما فيها من خصوصيات مختلفة سواءً كانت سلبية أو إيجابية.



هههههههههههه ماتستغربش لو انت طالع العمارة بتاعتك لاقيت الست ام احمد فتحت شقتها و قالتلك مش عيب بردوا تزعل ام العيال دة انتوا مالكوش غير بعض فيها ايه يا خويا لما تطلب منك زيادة فى المصروف ما هى الدنيا غلا بردك ...

ل
إقتباس
ا تحاولي الإيحاء لزوجك بأنه مجموعة من النقائص والعيوب وقلة الإحساس بالمسئولية وعدم تقدير الحياة الزوجية ، بل حاولي دفع زوجك نحو مزيد من الشعور بالمسئولية بالثناء على جهوده وحثه على الاستمرار من عطاءه ليشعر أن جهوده مقدرة وأن موقعه محترم.


(

لا الستات ما بتتوصاش فى دى . ...اول ما الزوج يجى يدافع عن نفسه شوية ويقولها دة انا تعب...لسه مكملهاس تلاقيها انطلقت ذى مدفع رمضان . تعبان ايه يا ابو تعبان ؟؟ عملت ايه يعنى ؟؟ لبست غيرت مسحت غسلت طبخت ؟؟ ما انت قاعدلى ياخويا فى مكتب بتكييف وشاى رايح و شاى جاى و انت قاعد ذى البيه ...تعبان اييييييه يا خويا قال بطلودا و اسمعودا الغراب يا وقعه سودا جوزوه احلى يمامة " وهى اساسا تلاقى الغراب احلى منها" 3


إقتباس
لاتعتبري أن مطالبك المادية غير قابلة للتأجيل والنقاش بل عليك أن تتحيني الفرصة المناسبة لطلب ماتحتاجينه من مصاريفك الخاصة

.
(9)
الست من دول تروح تتربس مخها عند اول فترينه هدوم وملابس تقابلها و تتنح قدام الفستان , الزوج الغلبان يهديكى يرضيكى ياست بعدين دة احنا لسه فى نص الشهر تقوله ابداااااااااا يا تجيبهولى دلوقتى يا تروحنى على بيت امى ...و فى الغالب بتروح على بيت امها بس كل جزء مستقل بذاته ,لوحده

ا
إقتباس
حذري من التمسك بآرائك واقتراحاتك واعتبارها من الأفكار الصحيحة والآراء السديدة التي يجب الأخذ بها دون إعارة الاهتمام لرأي الزوج أو اقتراحاته ومحاولة التقليل من شأنها واجعلي التفاهم المتبادل والنقاش الودي هو سيد الموقف لتخرجا بالرأي السديد والمناسب بما يحقق الخير لكما في حياتكما المشتركة



المخ الجزمة دة مية مية , تلاقيها تدخلك الحكم فى الامثال فى الاشعار فى القرنبيط و الملوخية و تكلمك عنها كأنها نظريات علمية غير قابلة للجدال او المناقشة تقولك اينشتين اكتشف الجاذبية اوعى تقولها دة نيوتن هتبقى ليلتك مش فايته و هتجيبلك تاريخك الاسود كله من اوله لآخرة علشان تثبتلك فى النهاية ان مش نيوتن هو اللى اكتشف الجاذبية ...



فى النهاية بقى بعد ما عقدتكم احب اقولكم , ان الطيبون للطيبات , ومدام انت كويس و بتتقى الله لا اظن ان الله سيخيب رجاؤك ابدا و يوقعك فى عينه من الستات دى اللى ما ببتقيش الله لا فى زوجها ولا بيتها و لا اولادها ....


منقول




المصدر : منتدى جدايل - من قسم الحياة الزوجية



  آخر موآضيع » غرام الود
  رد مع اقتباس

الكلمات الدلالية (Tags)
مفتريه, تكوني, شويه, كيف

مواضيع جديدة في الحياة الزوجية

كيف تكوني زوجه مفتريه

« مقال رائع للمتزوجين .. لا تقل لزوجتك : لقد سمنتِ ! لانوثة التي يرغبها الرجل »


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع


قد تهمك ايضا المواضيع التالية
هل انت احدى هؤلاء و احذري ان تكوني احداهن
كيف تكوني بآبها حله اذا عندك حفله
كيف تكوني فتاة رقيقة
كيف تكوني جذابة
شيلوني شويه شويه مامي تعبت عليا -نمو وتطور الطفل قد يختلف من طفل لآخر ملف متكامل


. الساعة الآن 01:07 AM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd.
Content Relevant URLs by vBSEO 3.6.0 PL2
المشاركات المنشورة في منتدى جدايل لاتُعبر بالضرورة عن رأي جدايل ويتحمل صاحب المشاركه كامل المسؤوليه عن اي مخالفه او انتهاك لحقوق الغير