معجبوا منتدى جدايل على الفايسبوك و قوقل+
2011-02-15, 08:42 PM
| #1 |
| :: عضو فعال ::   تاريخ التسجيل: Oct 2010 الدولة: مصر
المشاركات: 3,621
معدل تقييم المستوى: 25  | كباب حلة بمكعبات البطاطس ورز بالشعرية كيلو لحمة مقطع مكعبات او صغيرة 3 بصلة كبيرة وقرن فلفل حامي ورومي طماطماية توابل ( ملح - فلفل اسمر - حبها - لوري - بهارات - كاري ) من كل حاجة نص معلقة صغيرة هاتي اللحمة واغسليها وصفيها  هاتي البصل والفلف وافرميهم بالكبة  هاتي حلة وسخني فيها زيت مناسب للبصل ولما يسخن نزلي البصل وشقريه بس  حطي عليهم اللحمة وقلبيهم وسبيبها متغطية تنزل ميتها  لما تشرب ميتها حطي حطي الفلفل الرومي مكعبات وطماطماية مقطعو مكعبات والتوابل بتاعتنا ما عدا الملح خليه في الاخر خالص وزوديها كوباية مية واظبطي النار علي وسط الي هادي وسيبيها شوية   في الوقت ده جهزي الرز والبطاطس هاتي 2 حبة بطاطس كبيرة وقشريها وقطعيها مكعبات وسيبيها في المية  نقي الرز واغسلية وانقعيه شوية متزيدش عن 10 دقايق عشان ميتلبخش في السوا  علي بال الرز ما يتنقع حمري الشعرية واغلي شوية شوربة لو عندك لو معندكيش شوية مية حمرتي الشعرية  نزلي الرز والملح والمرقة الفورية او مكعب افركيه لو عندك شوربة خليها ملح بس وقلبيهم شوية لحد ما ميت الرز تنشف  وبعدين زودي الشوربة او المية المغليه مش كتير يا دوب الرز يتغطي متنسوش اننا ناقعينه والمية السخنة بتخلية طري وفي نفس الوقت مفرفط غطي عليه ووطي النار خالص وسيبيه عشر دقايق ريحته هتنده عليكي بجد جربي طريقتي وهتدعيلي هتلاقيه استوا او فاضل له نص دقيقة بالكتير بعد كده نبص علي اللحمة لو لاقيتيه استوت فعلا يعني الا حاجة بسيطة حطي البطاطس وزودي شوية يا دوب للبطاطس نص كوباية وحطي الملح وقلبي ووطي النار وسيبيها  ولما تستوي مش هقول لك علي المطلوب الباقي عليكي بئا هههههههه علي فكرة البطاطس اختياري ممكن بسلة او اي خضار تحبية بس يكون بيتحمل يعني كوسة لا والاصل في كباب الحلة من غير خضار اصلا اصلي كنت مكسلة اعمل صينية بطاطس ههههههه قولت افتكس والحمد لله طلعت حلوة ده طبق كباب الحلة  وده طبق الرز  معلش الصور مضلمة شوية عشان من الموبايل ومقدرتش اصور اكتر من كده عشان كانو عاملين مظارهة عندنا وكنو هيخلعوني وانا خفت لان الكترة تغلب الشجاعةهههههههههههههههه علي فكرة اللي مش هيقيمانا عيلتي تاكل الزلط انا حذرتكم وشكرا والسلام عليكم ورحمة الله وبركاته المصدر : منتدى جدايل - من قسم الاطباق الرئيسية |
 |
|
2011-02-23, 03:08 AM
| #2 |
| :: مراقبة عامة ::  تاريخ التسجيل: Nov 2010
المشاركات: 22,525
معدل تقييم المستوى: 63 |   |
| |
|
2011-02-23, 06:31 PM
| #3 |
| :: عضو فعال :: تاريخ التسجيل: Oct 2010 الدولة: مصر
المشاركات: 3,621
معدل تقييم المستوى: 25 |  |
| |
| الكلمات الدلالية (Tags) |
| البطاطس, بمكعبات, بالشعرية, حلة, ورز, كتاب |
 مواضيع جديدة في الاطباق الرئيسية |
| |
كباب حلة بمكعبات البطاطس ورز بالشعرية
« صينية معكرونة بالسجق ورق اللسان طبق فلسطيني رائع ومع الفرصه الذهبيه »
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| |
| . الساعة الآن 10:30 AM. |