السلام عليكم ورحمة
الله
اقدم لكم هده الاشكال من الحلويات

1-اصابع من اللوز و الشكلاط




المقادير:

300غرام من اللوز
علبة حليب مركز المحلى
علبة بسكوي
200غرام الشكلاط اسود
ملعة زيت
حلويات فضية للتزيين

الطريقة:
نديرو الحليب المركز في الكوكوت و نسدو عليه واحد 45 دقيقة. خاصنا نحصل على كريمة كاراميليزي. مانحلوش العلبة حتى تبرد
نديرو اللوز في الماء غالي و نحيدولو قشورو و نقليوه في الزيت.تك النطحنوه في الطحانة الكهربائية.
نهرس البيسكوي و نردوع بحال الدقيق
ندوبو الشكلاط في حمام مريم. ونزيدو عليه ديك المعلقة ديال الزيت باش نعطيوه اللمعان
الخلط اللوز و البسكوي و الحليب المحلى و نبداو نخلط حتى نحصلو على عجينة متماسكة
نشكلو العجين على شكل اصابع.
نغمسوهم من جهة واحده في الشكلاط
و نزينوهم بالحلوى الي على شكل عقيق
ودخليهم للتلاجة حتى الوقت الي تبغيها
ما تحتاج فران لا صداع الراس
و بالهناء و الشفاء
غريبة بالكوك



المقادير:

500غرام سكر كلاسي
500غرام الكوك
6البياض البيض
2 معالق كبار الزيت
و للتزين: المربى

الطريقة:
نخلطو البياض البيض مع السكر كلاسي.
تم طبو الخليط فوق حمام مريم حتى الحصول على كريمة لينة. ثم نخرجو الخليط من حمام مريم و نبقاو نطربو حتىيدفا الخليط
تم نضيفو شوية بشوية الكوك و نحركو بملعقة خشبية
تم 2 معالق ديال الزيت
تم نشكوهم على شكل غريبات




ونديرو حفرة صغيرة الوسط و عمروها بالكفيتير
ندخلو الحلوى للفرن
ممكن نحتافضو بيها مده طويلة في علبة مسدودة مزياااااااااااااااااااااا ن
و بالهناء والشفاء