منتدى جدايل منتديات نسائية المطبخ العصائر والمشروبات سر ريحة قهوتي وطعمها الي الكل يسألني عنها الكل

سر ريحة قهوتي وطعمها الي الكل يسألني عنها الكل

بدخل بالموضوع على طول بدون مقدمه وقرق ماله داعي اول شي حطي القهوه بقدر واغسليه غسل مضبوط بعدين حطيه بصحن واسع وشيلي الحصى واشياء غريبه
حبيبة الحمزاوى :: عضو فعال ::

بدخل بالموضوع على طول بدون مقدمه وقرق ماله داعي
اول شي حطي القهوه بقدر واغسليه غسل مضبوط بعدين حطيه بصحن واسع وشيلي الحصى واشياء غريبه منه راح يبين اذا غسلتيه تكون واضحه يعني نقيه من الشوائب بعدين حطيه بمحماسه كهرب او بصينيه بالفرن المهم انك تحمسينه حمس اشقر وبعده اطحنيه طحن ناعم وحطيه بعلبه انا اسوي الي يكفيني شهر
الحين ابي اعلمكم كيف تصلحونه القهوه الي تدوخ من ريحتها عبي الدله ماء مغلي تقريبن 3 اكواب وحطي عليه فنجان قهوه مطحونه حطيه على النار متوسطه وخليه يطبخ مدة ربع ساعه بتمام لا تقولون كثير ربع ساعه لا هذا سر من اسرار نجاح القهوه والسر الثاني الي هو (العنبر الي بالعلبه الخضراء الحديد الصغيره) خوذي لك ثلاث حبات صغيره من العنبر وحطيها مع القهوه وهي تطبخ تخلي ريحة القهوه توصل للجيران والله يابنات انه زوجي احيانن يجي من صلاة العصر ويدخل البيت يقول وش هالريحه الحلوه تجنن بعد ماتطبخ ربع ساعه حطي عليها نص ملعقه صغيره هيل وذرة عويدي بعدين طفي النار وخلي القهوه دقيقتين لا تحركينها وحطي بترمس القهوه(البراد) ذرة زعفران يمكن الاستغناء عنه وخوذي القهوه وشوي شوي حطيها بترمس طبعا تكونين حاطه مشخاله فوق الترمس علشان تنشخل القهوه من الهيل وتطلع صافيه




العنبر ينوجد عند العطار قولي له ابي عنبر
لاتنسون تضغطين على (شكرا لك)

أدوات الموضوع

Powered by vBulletin® Copyright ©2000 - 2020, Jelsoft Enterprises Ltd.
Content Relevant URLs by vBSEO 3.6.0 PL2 TranZ By Almuhajir
جميع الحقوق محفوظة منتدى جدايل
iTraidnt by ROMYO
جميع الحقوق محفوظة منتدى جدايل
iTraidnt by ROMYO