السلام عليكم ورحمة الله وبركاته
هذه قصة حقيقيه لشخص عزيز على قلبي الله يرحمه وانسانه الله يسعدها
يقول قبل خمس سنين او اكثر تعرف على فتاة في قمة الروعه ونسانه حساسه وكانو دايما يتقابلون بالشات ويتكلمون بالساعات ونقلب هذا الاعجاب الى حب وصارت تنتظره بالساعات وهو دايما مشغول لانه رجل اعمال كبير ودخوله النت كثير لان اغلب شغله بالبورصات ويقول تعرف عليها بالصدفه عندما فتح الشات عن طريق اعلان المهم بعد فترة انقطع عن دخول الشات وصارت اهي تبحث عنه وبيوم اهي اتصلت فيه وعاتبته على طول غيابه وهو شرح لها ان السبب شغله ولا يقدر يدخل وصارت تقابله بالمسن وتكلمه تليفون لمدة مو القصيره وتعلقو في بعض اكثر وتفقو على الزواج ولاكن كل شي بمشيئة الله وكتب الله عليه بالمرض وهو مرض خبيث الله يجيرنا وياكم وتنوم بالمستشفى التخصصي فتره وعملو له 3 عمليات وطلع والحمد لله وكل هذا الوقت اهي ماتعرف وحاول بكل وسيله انها تبعد عنه ولا يبي يصارحها بالحقيقه المره والمرض لم يشفى منه وصار يستخدم اعشاب طبيه حسب ماوصفو له وبعد 4 اشهر من خروجه من المستشفى رجعت له الالام التي لم يرتاح منها ساعه وحده وبعض الاوقات كان يكلمها ونا معاه وكنت اشاهد دمعته تنزل وصرت ابكي وياه وكل مره اقول له صارحها يقول لي انه يخاف عليها لان عندها مشكله بالقلب ويرفض
وبيوم حددو له عمليه بمستشفى ببريطانيا قال عدة ابيات الي اذكر منها
مسكين ياقلب ماتهنا والمرض زاده جروح
مدري اواسي جروحي او اواسي همي القاسي
ذكروها اني عاشق قبل ماعيني تروح
وذكروها اني مؤمن في لقاها ماني بناسي
ودخل غرفة العمليات وبعد 7 ساعات خرج الدكتور ونحن يعلم الله كيف حالتنا وقتها وبشرنا ان العملية نجحت ونسينا وقتها الم الصبر الي كنا فيه وهو بالعمليه وخلوه بالعنايه المركزه لمدة اربع وعشرون ساعه وبعدها طلعوه بغرفته ولقيناه الحمد لله بخير وطيب وصار يتكلم معانا وحنا بفرحه لاتوصف
وباليوم الثاني المفاجئه التي لن انساها وهي
اتصل المستشفى ويقول انه توفى رحمة الله عليه
وحتى كتابة هذه السطور حبيبته لاتعلم انه توفى ولا قدرت اخبرها فما رايكم هلاخبرها ام لا
