منتدى جدايل منتديات نسائية المطبخ الاطباق الرئيسية طاجن لسان العصفور باللحمه من مطبخى بالصور

طاجن لسان العصفور باللحمه من مطبخى بالصور

انهارده هنعمل طاجن لسان العصفور باللحمه وهى اكله مصريه حلوة اووووووى وطعمه فعلا رائع هو طبعا بيتعمل بالعكاوى وبيبقى خطير بس العكاوى مش متوفره علطول
حبيبة الحمزاوى :: عضو فعال ::

انهارده هنعمل طاجن لسان العصفور
باللحمه وهى اكله مصريه حلوة اووووووى وطعمه فعلا رائع
هو طبعا بيتعمل بالعكاوى وبيبقى خطير
بس العكاوى مش متوفره علطول ولازم توصى الجزار عليها فطبعا ممكن تستعيضى عنها باللحمه


المقادير




حوالى نصف كيلو لحمه مسلوقه
نصف سوى علشان هتكمل سواها
مع الطاجن

3 بصلات كبار مقطعين جوانح
4 فلفل رومى مقطع شرائح
3 فلفل حامى (مش اساسى للى يحب السبايسى )
2 طماطم مقطعه مكعبات
عصير طماطم مضروبه
ربع كيلو لسان العصفور
زيت او سمن
ملح وفلفل وكمون وبهارات وجنزبيل
وورق لورا وحبهان وشطه

الطريقه


اول حاجه طبعا هنحط البصل مع الطماطم
المقطعه والفلفل والتوابل مع بعضها وندعها كويس وبعدين نحط عليها اللحمه
المسلوقه شويه وشويه شوربه من بتاعه سلق اللحمه ونسيبها على النار من فوق تغلى غلوتين





بالشكل ده
طاجن لسان العصفور باللحمه من مطبخى بالصور

وبعدين هنحمر لسان العصفور فى طاسه لوحده مع زيت او سمن ونضيفه على الخليط السابق
طاجن لسان العصفور باللحمه من مطبخى بالصور

ونصبه فى الطاجن الفخار
ولازم الطاجن البلدى ده يا جماعه لانه هو الى بيدى الطعم المميز
وهو رخيص جدا ومتوفر فى كل مكان
وطبعا احنا محطنهوش على النار من فوق الاول علشان مش بينفع يتحط على
النار مبباشره لانه ممكن يتكسر لكن فى الفرن عادى مش بيجراله حاجه
هيبقى كده
طاجن لسان العصفور باللحمه من مطبخى بالصور
وندخله الفرن علطول وكل شويه لو لاقيناه شرب المايه بتاعته نزوده من شوربه سلق اللحمه الى عندنا لغايه ما لسان العصفور يستوى والوش يحمر كده
طاجن لسان العصفور باللحمه من مطبخى بالصور
وده شكله فى طبق التقديم
طاجن لسان العصفور باللحمه من مطبخى بالصور

وده من قريب

طاجن لسان العصفور باللحمه من مطبخى بالصور

أدوات الموضوع

Powered by vBulletin® Copyright ©2000 - 2020, Jelsoft Enterprises Ltd.
Content Relevant URLs by vBSEO 3.6.0 PL2 TranZ By Almuhajir
جميع الحقوق محفوظة منتدى جدايل
iTraidnt by ROMYO
جميع الحقوق محفوظة منتدى جدايل
iTraidnt by ROMYO