منتدى جدايل منتديات نسائية منتدى الاسرة الحياة الزوجية وشلون تقدرين تقنعين زوجك بالشي الي تبينه - كيف تقنعين زوجك برايك وما تريدين

وشلون تقدرين تقنعين زوجك بالشي الي تبينه - كيف تقنعين زوجك برايك وما تريدين

وشلون تقدرين تقنعين زوجك بالشي الي تبينه كيف تقنعين زوجك برايك وما تريدين زوجك عنيد وعجزتي معاه وكل طلباتك مرفوضه ومايسمع كلامك الابعد الحسره الاقناع
غرام الود :: عضو فعال ::

وشلون تقدرين تقنعين زوجك بالشي الي تبينه

كيف تقنعين زوجك برايك وما تريدين
زوجك عنيد وعجزتي معاه وكل طلباتك مرفوضه ومايسمع كلامك الابعد الحسره
الاقناع فن بروحه يحتاج دراسه وعشان تصير فيك هالمهاره لازم تدرسين خريطة زوجك زين
لانه كل زوج خريطته وتفاعله مع الاحداث تختلف عن الثاني والزوجه الذكيه هي فقط اللي تقدر تصلّح عيوب زوجها
بفراستها وذكاءها وخبرتها بخريطته
إذا كان زوجك من النوع اللي مايحب الحنه وبعض الناس يسمونه (الزن) يعني القلق فمعناتها ان الاسلوب هذا هو اللي ينفع معه عشان كذا يكره هالاسلوب لأنه يخليه يوافق غصب وهو أساساً ما يبغى يوافق ... عشان كذا استخدمي هالطريقه معه في الشديد القوي مو دايم عشان مايمل .. وفي الأخير قولي ما قالت مطنشه بيوافق غصب
فيه نوع من الأزواج يقتنع بطريقة الدلع في الطلب.. يعني إذا جت زوجته تطلب منه شي تقعد تتدلع عليه حبتين خاصة في الأوقات الحرجه (....) انتم عرفينها عاد ههههههه... الزوج ذيك الساعه ما يقدر يقاوم يوافق رغغغغم أنفه
وستربحين في النهايه
فيه نوع من الأزواج إذا طلبتي منه الطلب وقال لا <<< ياشين هالكلمه اكرهها

قولي طيب... سم

هو إذا شافك سكتي وتقبلتي الأمر بصدر رحب راح يرحمك ويوافق في النهايه......

وستربحين الجوله

فيه نوع من الأزواج من النوع اللي يغار ومايبي يصير اقل من غيره يبغى ينقال عنه انه هو السنع وهو اللي ما شالله ما مثله .... هذا الزوج قبل لاتطلبين منه الطلب ... أقعدي سولفي عليه ...

قولي ... تصدق يافلان... وحده من صديقاتي والا أخواتي وإلا أحسن شي قولي أختك عشان يقتنع مره

قولي له فلانه سوت كذا وكذا أو سوى لها زوجها كذا وكذا ... على شكل سالفه عاديه وبس و اسكتي...

بعد شوي اطلبي الطلب اللي تبينه ويكون مثل اللي قلتي له ان فلانه سوته .. راح يوافق على طول لأنه يشوف ان الناس يسوونه عادي وماراح يخليك أقل من أختك أو صديقتك أو أخته

وبذلك تكوني انت الرابحه

بالله وش رايكم في الافكار ؟؟

كل وحده تشوف زوجها وش يمشي معه

شاركونا بالراي


بنوتة لذيذة :: عضو جديد ::

ههههههههه
والله ذبحونا هالكائنات الغريبة << تقصد الرجال
الله يكون في العون وبس

ألف شكر عالطرح المفيد
ودي

غرام الود :: عضو فعال ::

المشاركة الأصلية كتبت بواسطة بنوتة لذيذة اقتباس :
ههههههههه
والله ذبحونا هالكائنات الغريبة << تقصد الرجال
الله يكون في العون وبس

ألف شكر عالطرح المفيد
ودي
هههه من جد يالغلا
الله يعين
تسلمي باقلبي لمرورك وردك الطيب
عواافي بنوتة

وتين الوفا :: مراقبة عامة ::

مرسال :: عضو نشيط ::

نادين :: مشرفة ::

غرام الرجال حاله مستعصيه واكيد مو كلهم
ورأي
بره وجوه فرشتلك وإنت حالك مايل إيه يعدلك

تسلمين ع الموضوع

اتار :: عضو فعال ::

شكرا لك

أدوات الموضوع

Powered by vBulletin® Copyright ©2000 - 2020, Jelsoft Enterprises Ltd.
Content Relevant URLs by vBSEO 3.6.0 PL2 TranZ By Almuhajir
جميع الحقوق محفوظة منتدى جدايل
iTraidnt by ROMYO
جميع الحقوق محفوظة منتدى جدايل
iTraidnt by ROMYO