حنين الحب لك يامهجتي
يا حبيبي القلب يهواك ما يقدر على فراقك حنيت لك يا مهجتي و لشوفتك حنيت حنيت إنت حياتي و سلوتي ولخاطرك رديت رديت لكن أريدك
يا حبيبي القلب يهواك ما يقدر على فراقك
حنيت لك يا مهجتي و لشوفتك حنيت حنيت
إنت حياتي و سلوتي ولخاطرك رديت رديت
لكن أريدك تنسعد و ياي يا روحي و ترد
ولبسمتك حبيت حبيت
.gif "(202)")
ولفي حبيبي و مهجتي وانت حياتي و شمعتي
و الدهر يحجي قصتي عند اللقاء و فرحتي
لتروح عني وتبتعد وتخلي قلبي ينمرد
وبحالتي شسويت شسويت
فراقك هدم حيلي او مضه بُعدك الجسمي مرّضه
بشوفك سعد قلبي و رضه أنسى العذاب اللي مضه
نقضي عمرنا و ننسعد و العمر يمضي و ينجرد
و لطلتك حنيت حنيت
إنت حياتي و منيتي تنهمر لأجلك دمعتي
والفرقة صعبة بدنيتي عجل حبيبي غايتي
تجمعنه أحلى سالفه وتخلي قلبي ينسعد
ولجيتك سعديت سعديت
عندي الحنان و عاطفه وشموع حبنه وارفة
تضوي القلب والعاطفة و الروح منها جارفة
جمعتنه أحلى سالفة لا تنسى حبنا و تبتعد
ما ظل صبر عندي بعد ولخاطرك رديت رديت
أحبك يا بعد روحي وصالك بلسم جروحي
تناغيني بعذب صوتك تبادلني بهمس بوحي
بوسه من القلب أنطيك شمّه من بعد نوحي
يا عمري القلب يهواك ما يقدر على فراقك
يتمنى العمر وياك يقضي دوم بودادك
تعاتبنا و تصافينا تعانقنا و تراضينا
عمر اللي قضى بلياك ما ينحسب من عمري
بس اللي قضيته وياك هو العمر لو تدري
لا تبعد يبعد الروح تالي العمر و الصحبه
وتخليني وحدي دوم روحي شكثر متعذبه
ما تدري الفراق شلون يعمل بينا دواره
تتعذب نفسنا يوم وتبقى الروح محتاره
ما ينفع بعد هيهات لو عاندت ما رديت
لا يفيد العذر بعدين و بحالي تره شسويت
تدري للصبر احدود لا تجزيها ولا تزود
قلبي مل من صبره يمته تجي يمته تعود
نتهنه بفرح بايام باقي العمر نتهنه
ونخلي المضى والراح ونتراضى بفرح حبنه
| أدوات الموضوع | |
Content Relevant URLs by vBSEO 3.6.0 PL2 TranZ By Almuhajir