منتدى جدايل المنتديات الادبية شعر وقصائد الله لايوفق عدوك صرت ما اعرف انام للشاعر عوض نفاع

الله لايوفق عدوك صرت ما اعرف انام للشاعر عوض نفاع

قصيده روعه للشاعر الكويتي عوض نفاع وقد اسمى ديوانه باسم القصيده عطني عيوني بنام القصيده في غاية الجمال بحروفها وتفاصيلها حيث يملك الشاعر سلاسة ورقي
وتين الوفا :: مراقبة عامة ::


قصيده روعه للشاعر الكويتي
عوض نفاع
وقد اسمى ديوانه باسم القصيده
عطني عيوني بنام

القصيده في غاية الجمال بحروفها وتفاصيلها
حيث يملك الشاعر سلاسة ورقي
في القاء ابيات القصيده التي جذبت
الكثير لقرائة الديوان بأكمله .




الله لا يوفّق عدوّك ... صرت ما أعرف أنام
والكلام اللي نطقني ... كان ما قبل الكلام
ويوم شاورت النسايم ... إختلط جوّي بجوّك
الله لا يوفّق عدوّك

الشواطي .. كانت بصدري تلوج
قلت : هذا موعدك
هذي هي حزّة لقاك
ورحت أزهّب كل نظراتي لشوفك
أعرفك .. أعرف ظروفك
عادتك تقبل ثواني .. لين أضيع بـ ليل عينك
وتاخذ عيوني معاك

وللأسف ما خاب ظنّي
جيت من باب اليقين
شوفني وإسألني عني
(مو حزن لكن حزين)
أغلى غاليني طعنّي
وين أنا والنوم وين ؟

كان فيني شمعتين .. دمعتين بـ عين
وإيديني وشوقي
دورّن فيني عليك وْلا لقَنّك
مادَرَن إنّك مسافر بيني وبين الكلام
اللي من شفتك نطقني

يااللي مرجحت العواطف
لا تغيب ولا تعود




طعنتك للحين تمشي في ضلوعي
رشّت بكل إتجاهاتي وجعها
وْلا منعها غير :
خذلان الوعود

شاعري أدري
وأدري
إني ما أدري
ودريت
إن خوفي .. كان أصدق من كذب
إن شوفي .. صار ما يكره .. يحب
وإني هدّيت الــ بنيت !!

ياأخي والله تعبت
يوم .. يومين وشهر
حزن .. وهموم .. وقهر
ياخي ملّيت السهر
عطني عيوني بنااام

من هذاك اليوم .. لليوم
وكلامي فيه رغبة إنتقام
فيه حسرة طير حام ..
حااااام
حااااام
حااااام
حااااام
طال بجناحه رضا صدر السما
ويوم نادَتْه المواني
إنحبس عشرين عااام

إنت ما نمت بـ عيونك
اللي نامت بك عيوني
لا تخلّي هالنظر في راحتينك
إطلق عيوني بـ نام
عطني فرصة بـ شُوف عينك
خلّني أسألها مرّة :
هي تحب إني أكون إنسان كامل
أو بدون عيون أمشي
والسلااام ؟

صرت أخاف .. وصرت حاااف
ما معي غير العفاف ... وقلب وافي
وإنت يا سارق عيوني
لا تساهلت الكلام
وْلا تثاقلت القوافي
يعني ما قلته انا من قلب صادق
جاك في كامل شعوره ...
وراح حافي !!

لا نفعت وْلا إنتفعت
لا نزلت وْلا إرتفعت
لا ظلمت وْلا سلَمت
وْلا رقَدت وْلا حلمت

يا أخي .. والله تعبت

زين لا تسمع كلامي
ردّ لي بعض إهتمامي ..
والوفا .. والإحترام
وإلاّ تدري !!
ما أبي منّك عطايا
إنت يكفيك بحياتك ما حصل لي
عطني عيوني بـ نااام
عطني عيوني بـ نااام
الله لايوفق عدوك صرت ما اعرف انام للشاعر عوض نفاع




سيرياتولك :: عضو فعال ::

جزاك الله كل خير

أدوات الموضوع

Powered by vBulletin® Copyright ©2000 - 2020, Jelsoft Enterprises Ltd.
Content Relevant URLs by vBSEO 3.6.0 PL2 TranZ By Almuhajir
جميع الحقوق محفوظة منتدى جدايل
iTraidnt by ROMYO
جميع الحقوق محفوظة منتدى جدايل
iTraidnt by ROMYO