السلام عليكم ورحمة الله وبركاته ,,, لقد مرت علي هذه الكلمات وتأثرت بها وأحببت أن أنقلها لكم فاتمنى تعجبكم :
هذي قصيده مرت علي ولكنها لم تمر مرور الكرام
بل أثرت فيني
وبصراحه الأم مالها قدر أبد
أترككم معها
*_*_*_*
يـــمـــه ..
تكفين اسمعيني ....
يمـه بسألك شيء ...
جاوبيني ...
هو صحيح اللي مات
داخل القبر يصير حي ....؟؟؟
*_*_*_*
يــمـــه ....
أسمع أنــا صوتك ...
كل يوم اسمعه ..
واذا حاكيتك هاوشوني ...
قالوا إنسي ...
روحي يالله ألعبي ..... !!
يمه تعالي ارجعي ....
والله خلاص بسمع كلامك ..
ما أخرب ألعابي ..
وإن قلتي يالله ...
روحي نامي ...
أروح حتى ماتزعلي ...
*_*_*_*
يمه تكفين ارجعي ...
اليوم حطت لي المديره ..
نجمه من فوق جبهتي ...
يمه سمعتها تقول..
مسكينه هالبنت صارت يتيمه ..
قالت لها أبله منيره ...
مسكينه توها صغيره ...
وش كانوا يقصدون ..؟
يمكن عشاني صرت عاقله ..
ولا عشاني دايم أسرح
*_*_*_*
يمه مريولي توسخ ...
ماكان قصدي أوسخه ....
بس تذكرت إنك تقولي ...
بعد شهرين..
بشتري لك لبس ثاني ...
يمـه تعالي أشتري ....
يمـه عرفتي مها ...؟
صديقتي اللي معي ...
زاعلتني ...
تقول ماصرت أنا أضحّـكها
راحت تدور غيري
عشان تلقى أحد يونسهـا
*_*_*_*
يــمــه
يالله خلاص لاتمزحي
يالله قومي
تعالي معي للبيت ارجعي
*_*_*_*
يمه يمممه
نسيت شي ...
بقولك ترى بيتنا صار فاضي ..
ماحد يجينا ...
وكل اللي فيه أنا وإخواني ..
ليه وين أقاربنا ...؟؟
وين خالتي ...
اللي كانت تجينا ....
*_*_*_*
يمممه قوومي يالله تعالي ..
تكفين يالله تعالي ...
ماودي أرجع لحالي
والله خايفه ...
ترى أمس جيتك ...
مارديتي ...
حسبتك نــايمه ...
أو اقولك ..
خلاص خلاص ...
أنا بجيك بكرى ...
إذا راحوا من هنا الناس ..
تكفين يمه بكرى أصحي ...
تكفين يمه بكرى أرجعي ..
*_*_*_*
أتحدى أحد مايحزن أو تدمع عيونه
والشخص اللي ماتحرك فيه شيء
مايعتبر إنسان عاطفي
الله يرحم والدينا أجمعين
